Plantun de Prouvènço

Pèr coumpara dos planto d'encò nostre

Anchusa undulata & Anemone palmata

Anchusa undulata

Boraginaceae

Nom en français : Buglosse à feuilles ondulées.

Descripcioun :
Aquesto planto, pulèu raro, douno d'èr à la lengo-de-biòu, mai trachis dins l'an. Se rescountro dins lis ermas riche en azoute. Se n'en destrìo bonodi si flour un pau mai pichoto e d'un blu mai sourne. Li fueio soun peréu oudado.

Usanço :
Couneissèn pas d'usanço pèr aquesto planto, pamens tant se poudrié que siguèsse manjadisso en vertuouso coume sa cousino.

Port : Grando erbo
Taio : 20 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Anchusa
Famiho : Boraginaceae

Ordre : Ordre pas nouma

Coulour de la flour : Bluio
Petalo : 5
Ø (o loungour) flour : 0,6 à 1 cm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à mai

Liò : Ermas - Tepiero - Camin
Estànci : Mesoumediterran
Couroulougi : Mediterrano-altanlico
Ref. sc. : Anchusa undulata L., 1753

Anemouno(-telado)

Anemone palmata

Ranunculaceae

Nom en français : Anémone palmée.

Descripcioun :
L'anemouno(-telado) trachis dins li garrigo e li relarg sablous de basso Prouvènço e de Prouvènço séusouso. Li flour sèmblon un pau li de l'auriheto, Ficaria verna, pamens li fueio soun mai redouno e telado, e subretout roujo dessouto. Es uno planto di proun raro qu'es aparado, marcado sus listo roujo, categourìo VU, valènt à dire vulnerablo.

Usanço :
Coume tóuti lis anemouno, es uno planto empouisounanto.